ភ្នំពេញ ៖ ក្រៅពី​ការពោលច្រណែនអស់​បុរសៗទៅ​នឹង​នាយ ក្រិន តារាកំប្លែង​មាឌល្អិត​ទាប​ ក៏​មាន​ដៃគូជីវិតសម្ផស្សស្រស់ផូផង​មួយ​ហើយ​មួយ​ទៀត ក៏​នឹកដល់​នាង កន្តំអ៊ឺត ដែល​មិត្តរួម​ក្រុមរមែងចំអកចំអន់ស្នេហាជាមួយនឹង​នាយក្រិនដែរនោះ ក៏​រៀបការប្តីក្មេង​រូបសង្ហាខ្ពស់​ស្រឡះ​ ។ ខណៈ​ដែលនាយ ចយ តារាកំប្លែង​ងារមុខអាក្រក់​ក៏​ធ្វើ​ឲ្យ​មហាជន​ពោល​សរសើរ​ពី​ភ័ព្វសំណាងបាន​ស្រីស្រស់វ័យ​ក្មេង​រូប​ស្រស់ស្អាតរួមដំណើរជីវិតជាមួយ។

នាយ​ក្រិន និង​ភរិយា​ក្រោយ​បាន​សហការ​បើកហាង​លក់​គ្រឿងក្លែម​មួ​​យ​នៅ​តាម​បណ្តោយ​ ផ្លូវ​ម៉ៃ​ដា ។ អ្នក​ទាំង​២​តែងតែ​បង្ហាញ​រូបភាព​ផ្អែមល្ហែម​នឹង​គ្នា​តាម​ហ្វេ​ស​ប៊ុ​ក ។ ចំណែក​អ្នក​កំប្លែង​រួម​ក្រុមនាយក្រិនដែរ ដែលមុននោះ មេក្រុមនាយ កុយ ក៏​ចំអនស្នេហានិង​នាយ ក្រិនដែរនោះ គឺ​នាង​កន្តុំ​អ៊ឺត ក៏​មាន​ភ័ព្វជីវិត​បាន​រៀបការប្តីក្មេងរូបសង្ហាខ្ពស់ស្រឡះ និង​បាន​ដឹក​ដៃគ្នា​ចាក​ចេញពី​អាជីព​សិល្បៈ ទៅរស់​នៅ​ក្រុងកំពង់សោម ។ ដែលពេលនេះ តាម​ប្រភព​ព័ត៌មាន​បញ្ជាក់​​ថា នាង​កន្តុំ​អ៊ឺត ដែល​មានឈ្មោះ​កំណើត​ស៊ឹ​ម ផល្លាន កំពុង​ មានកូន​ក្នុង​ផ្ទៃ​ប្រមាណ​ជាង​៥​ខែ​ហើយ ។ នាង​មិន​បាន​ប្រកប​របរ​អ្វី​ក្រៅពី​នៅផ្ទះ​រក្សាគភ៌​ទេ ខណៈ​ស្វាមី​ធ្វើការ​នៅ​រោងចក្រ ។

នាង​កន្តុំ​អ៊ឺត​ត្រូវ​ប្តី​ជំរុញ​ឱ្យ​ចាប់​អាជីព​សិល្បៈ​វិញ​ក្រោយ​សម្រាលកូន​រឹង​ដៃជើង ដោយ​នាយ​កុយ​នៅ​តែ​ផ្តល់​ឱកាស​ឲ្យ​នាង​ដដែល ។

ចំណែក​នាយ​ច​យ​វិញ ក្រៅពី​សម្តែង​កំប្លែង​តាម​ទូរទស្សន៍​ក៏​ចូលរួម​សម្តែង​ខ្សែភាពយន្ត​ដែរ ។ តារា​កំប្លែង​រូប​នេះ​ធ្វើ​ឱ្យ​មហាជន​ចាប់អារម្មណ៍​ខ្លាំង​ដោយ​មាន​សង្សារ​ ជានា​រី​វ័យក្មេង​ស្រស់​ស្អាត ។ មហាជន​កោតសរសើរ​នាយ​ច​យ​ដែល​បាន​សង្សារ​ជា​ស្រី​ស្អាត ។

នា​ពេល ថ្មី​ៗ​កន្លង​មក​នាយ​ច​យ​រឹតតែ​ធ្វើ​ឱ្យ​មហាជន​ចាប់អារម្មណ៍​ខ្លាំង​ឡើង ចំពោះ​ភាព​ផ្អែមល្ហែម​របស់​នាយ និង​គូស្នេហ៍​ក្នុង​ពិធី​ខួបកំណើត​របស់​នាង ហើយ​រូបភាព​ត្រូវ​គេ​ចែកចាយ ត​ៗ​គ្នា​តាម​ហ្វេ​ស​ប៊ុ​ក ៕

LEAVE A REPLY